Kriek – з заходне-фламандскай азначае «вішня». Гэта традыцыйнае пiва, якое варыцца ў Бельгіі і мае вельмі прыгожую легенду свайго паходжання.

Паводле яе, упершыню Kriek з’явіўся яшчэ за часамі крыжовых паходаў. Так, адзін з манахаў-крыжакоў, вярнуўшыся ў родную вёску Шэрбук пасля доўгіх падарожжаў, вырашыў зварыць напой, падобны па колеры да крыві Хрыста. Дзеля гэтага ён дадаў да піва самыя цёмныя вішні, якія змог адшукаць. Смак прыгатаванага напою прыйшоўся даспадобы ўсім навокал, а піва, зваранае па гэтым рэцэпце, карыстаецца вялікай папулярнасцю па сённяшні дзень.

Натхніўшыся досведам бельгійскіх півавараў, ААТ «Лідскае піва» вырашыла парадаваць сваіх аматараў новым гатункам ЛІДСКАЕ Kriek. Яно зварана на аснове традыцыйнага светлага піва, у якое дадаецца натуральны сок спелых вішань. Прыемны саладкаваты прысмак, вішнёвы водар і лёгкая гаркаватасць – асалоду ад такога букету атрымае кожны, хто паспрабуе ЛІДСКАЕ Kriek.

Наш гатунак мае чырвоны колер i моцны вішнёвы пах, утрыманне алкаголю – 4,6%, масавая доля сухіх рэчываў – 13,3%. Гэта збалансаваны і вытанчаны напой для тых, хто хоча пакаштаваць нешта новае.

Асаблівы кісла-салодкі прысмак гэтага піва вельмі прыемны ў летнія месяцы. Смакаваць ЛІДСКАЕ Kriek лепш за ўсё, астудзіўшы яго да тэмпературы 12°С. У той жа час, за келіхам гэтага напою добра правесці доўгі зімовы вечар, калі папярэдне падагрэць яго і дадаць духмяных траў і спецый.

Кожны вольны выбіраць, як атрымліваць асалоду ад ЛІДСКАЕ Kriek. Але ў любым разе вы заўсёды адчуеце, нібыта вішанька ёсць у кожнай бутэльцы.